Lantaran bulan diparanan deungeun
Nini Antéh rék ngungsi
teuing ka mendi
hayu urang sambat
sangkan teu kadungsang-dungsang
Hiap ka dieu geura lungsur, nini
incu-incu nu kiwari baluligir
pating bulucun
warah sangkan bisa ninun
saméméh pikun
Ucing nini nu bulu hiris
purah tunggu lemah-cai
beurit nu ngahakan béas
sina ditumpes
lantaran ucing di dunya
teu walakaya
1969












